MOS Burger 極品和牛漢堡 增量版

MOS 極品和牛漢堡幾年前已經出過
今次係翻出
不過好食既野再出又有咩所謂

單一個包$32普通版, 50%增量版更加要$37

店員話要等耐D
的確上餐時間比平時多左幾分鐘

俾埋張卡寫住50%增量和牛
怕你唔知自己叫左乜....

的確無做假, 真係厚左好多
蛋, 蕃加, 生菜就無增量既 (張圖都寫左只有增多肉份量)
咀細既人一啖要成個包食可能有D 難度
原本以前普通版已經好JUICY, 今次更厲害
食完個包裝紙濕哂

以前普通版真係食唔出肉味
今次增量版明顯肉味濃得多, 非常正, 岩哂我呢個食肉獸
蛋, 蕃加, 生菜, 醬汁令個包食落去唔會咁油膩
$37原本覺得貴, 食完覺得係物有所值
剩係食完個包都已經飽

真係好好味, 後尾又再去食多次
食左咁多年MOS, 大部份新包都係食1次就算
今次係我少有, 同一供應期內食完再食既MOS包